يا بلدى
حرمو الغنا وانا نفسى اغنيلك
صادرو الكلام وانا نفسى احكيلك
جرمو الشكوى وانا نفسى اترمى
على صدرك واشكيلك
وقفو تذاكر الرجوع وانا نفسى اجيلك
لابيع الحزن فى عيونك واشترى موال
وابيع الصبر فى عيونك واشترى موال
واقول الكلام اللى عمرو ما ينقال
يا بلدى
كان نفسى اكون مجذوب من مجاذيب
الحسين
نقش منقوش على حيطان الفراعين
كان نفسى اكون حبه عرق نازله على
جبينك
ورده امل مزروعه فى طينك
كلمه الصبر اللى دايما موجوده فى
مواويلك
صبيه بتغسل حزنها فوق شط نيلك
قنديل منور من قناديلك
بيطرد الظلام اللى ملى ليلك
اعذرينى يا حبيبتى
خايف اموت قبل اما اجيلك
خايف اموت قبل اما اجيلك
ليست هناك تعليقات:
إرسال تعليق