ابص قدامى الاقى عساكر
ابص ورا منى الاقى عساكر
عن يمينى وعن شمالى عساكر
اعمل ايه ابيع مراتى والعيال
والكتب والدفاتر
واسيبلكو البلد واهاجر
خايف اصحى فى يوم من نومى
الاقى عسكرى لابد فى هدومى
بيفتش فيا
ومباحث جوه دماغى بيدور على فكره
تنفع يقول عليها قنبله نوويه
وعلى اللى ممكن اعملو بكره
وفى الايام الجايه
يا بلدنا انا مليت من البلد الميرى
نفسى فى يوم انام متهنى على سريرى
نفسى ما اخافش ورجليا تخبط
لما الاقى الباب بيخبط
نفسى يا بلدى
ليست هناك تعليقات:
إرسال تعليق